Prokuroria themelore publike në Shkup ka iniciuar procedurë kundër një 43-vjeçari nga Shkupi, i cili dyshohet se ka kryer tri vepra penale - Vjedhje e rëndë nga neni 236 paragrafi 1 pika 3 të Kodit Penal.

Gjatë procedurës paraprake është siguruar dëshmi se i dyshuari me datë 20 dhe 26 tetor 2022 në një dyqan veshjesh në Qendrën Tregtare të Qytetit në Shkup ka përfituar nga pakujdesia e dy femrave dhe i ka vjedhur celularët – njëri prej 20.000. tjera në vlerë prej 77.000 denarë, thonë nga prokuroria.

Por, më 23 mars të këtij viti, i dyshuari ka shfrytëzuar turmën në autobusin e qytetit i cili lëvizte në bulevardin "Metropolitan Teodosij Gologanov" dhe nga xhepi i një pasagjeri ka marrë një celular në vlerë prej 20.000 denarë.

Duke vlerësuar se ekziston rreziku i arratisjes së të dyshuarit, prokurori publik kompetent në Gjykatën Themelore Penale Shkup ka dorëzuar propozim për caktimin e masës së paraburgimit. Gjykata ka pranuar propozimin dhe ka caktuar masën e paraburgimit në kohëzgjatje prej 8 ditësh, shtoi JO.