Skender Rexhepi jep dorëheqjen si koordinator i Aleancës dhe Alternativës, ai është në garë për nënkryetar të ri të Kuvendit

Skender Rexhepi
Skender Rexhepi / Foto: Free Press - Dragan Mitreski

Deputeti alternativ Skender Rexhepi ka njoftuar përmes Facebookut se nesër do ta njoftojë kryetarin e Kuvendit Talat Xhaferi se nuk është më koordinator i grupit parlamentar të Alternativës dhe Aleancës për Shqiptarët. Rexhepi, sipas informacioneve të “Shtypi i Lirë”, mund të jetë nënkryetari i ri i Kuvendit pasi Alternativa të jetë pjesë e shumicës qeverisëse. Zgjedhja për nënkryetar të Kuvendit nga Alternativa do të bëhet në mes të Rexhepit dhe deputetit Husni Ismanili.

Sipas informacioneve të Alternativës, posti nënkryetar në Kuvend është pjesë e pakos për ndarjen e dikastereve mes kryeministrit Zoran Zaev dhe liderit të Alternativës Afrim Gashi që kjo parti të hyjë në pushtet.

-Në bazë të zhvillimeve të reja politike dhe vendimit të Kuvendit Qendror të Alternativës se ne si subjekt politik i jemi bashkuar ekzekutivit dhe shumicës parlamentare, nesër zyrtarisht do ta informoj kryetarin e Kuvendit të Maqedonisë së Veriut për dorëheqjen e koordinatorit të grupi parlamentar i Alternativës dhe Aleancës për Shqiptarët - thotë Rexhepi në njoftim.

Kuvendi tani ka dy nënkryetarë, Goran Misovski nga qeveria dhe Fadil Zendeli tani nga opozita Besa.

Video e ditës