“Të gjitha opsionet janë në tryezë”, thotë Uashingtoni për referendumet ruse në territorin ukrainas
SHBA-ja ka treguar se të gjitha opsionet janë në tryezë në përgjigje të "pushtimit të paligjshëm dhe krimeve të Rusisë në Ukrainë", si dhe "referendumit të rremë mbi aneksimin e mundshëm" të disa zonave në Ukrainë.
"Ne vazhdojmë të përdorim të gjitha instrumentet e disponueshme për të mbajtur Rusinë përgjegjëse dhe vazhdojmë të mbështesim Ukrainën", tha Vedant Patel, zëvendës zëdhënës i Departamentit të Shtetit, në një konferencë telefonike për gazetarët sot.
Ai tha se në lidhje me përgjigjen ndaj referendumit "të rremë" në katër territoret ukrainase Donetsk, Luhansk, Zaporozhye dhe Kherson, si dhe në përgjigje të "pushtimit të paligjshëm dhe krimeve të Rusisë" në Ukrainë, "të gjitha opsionet janë mbi tavolinë".
“SHBA nuk do ta njohë kurrë pavarësinë e atyre territoreve”, tha Patel.