Në më pak se një vit partia opozitare greke SYRIZA do të rizgjedhë president, pasi sot Komiteti Qendror votoi mocionin e mosbesimit për liderin Stefanos Kaselakis, pas së cilës nisën procedurat për zgjedhjet e reja brenda partisë, ndërsa Kaselakis vetë ka komentuar se është liruar, njoftoi korrespondenti i MIA-s nga Athina.

Anëtarët e KQ të SYRIZA-s me 163 vota “pro” dhe 120 “kundër” miratuan propozimin për mosbesimin e liderit Kaselakis, i cili e lë partinë opozitare pa kryetar.

Fundjavën e ardhshme në Selanik në margjinat e Panairit Ndërkombëtar, tradicionalisht si çdo vit, pak para mbylljes, kreu i partisë kryesore opozitare mban një fjalim dhe konferencë për shtyp dhe megjithëse Kaselakis ishte paralajmëruar tashmë, Komiteti Qendror vendosi që SYRIZA të përfaqësuar nga kryetari i grupit parlamentar Nikos Pappas.

Kaselakis, pas shpalljes së rezultateve të votimit, ka treguar se është liruar, pasi siç tha ai, të gjithë qytetarët e kanë parë mosbesimin me të cilin ka jetuar që në ditën e parë të zgjedhjes.

- Është një rast i paprecedentë në historinë politike të vendit që burokracia partiake nuk pranon që në ditën e parë votimin e bashkëpartiakëve. Kështu kalova një vit të tërë. Tani ju dini gjithçka. Kemi arritur në një pikë ku burokracia, nomenklatura e partisë dhe fraksionet e ndryshme po përdorin praktika që nuk i përkasin të majtës, tha Kaselakis teksa largohej nga mbledhja e Komitetit Qendror.

Ai shtoi se vendimet e tij do t'i njoftojë anëtarëve të SYRIZA-s.

Propozimin për mosbesimin e kreut e ka dorëzuar dje fraksioni partiak, i ashtuquajturi “Grupi 87”, dhe për miratimin e propozimit u deshën 148 vota pozitive nga gjithsej 300 anëtarë të KQ.

Siç shkruan mediat greke, statuti i partisë parashikon që, në rast se Komiteti Qendror i voton mosbesimin kreut me 50% plus një votë, atëherë thirret një kongres i jashtëzakonshëm, maksimumi brenda tre muajve.

Sipas të njëjtave informacione, Sekretariati Politik i partisë pritet të mblidhet në dy ditët e ardhshme dhe të marrë vendim për mbledhjen e re të KQ brenda 15 ditësh. Më pas KQ do të vendosë për datat e kongresit të jashtëzakonshëm në të cilin do të shpallen kandidatët për zgjedhjen e kryetarit të ri të partisë, si dhe datën e mbajtjes së zgjedhjeve.

Lidhur me kandidatët e mundshëm për kryetar të partisë, ish-ministri Pavlos Polakis, i cili së fundi u fshi nga SYRIZA dhe më pas u përfshi sërish, shprehu publikisht synimin për të qenë kandidat dhe është e hapur mundësia që eurodeputeti Nikos Farandouris dhe ish. kryetari i grupit parlamentar Sokratis Famelos.

Pyetja mbetet nëse Kaselakis do të jetë sërish kandidat presidencial.

Mediat greke komentojnë se divorci në SYRIZA është diçka që nuk ka ndodhur në asnjë parti tjetër në Greqi.

Për ngjarjet e sotme në partinë greke nuk ka një qëndrim zyrtar nga ish-lideri dhe ish-kryeministri Alexis Tsipras.

Stefanos Kaselakis u zgjodh kryetar i SYRIZA-s në fund të shtatorit të vitit të kaluar dhe shkaktoi përçarje brenda partisë, pas së cilës disa fraksione u larguan dhe 11 deputetë të zgjedhur nga SYRIZA në zgjedhjet e 2023 formuan grupin parlamentar të Majtës së Re.

Në zgjedhjet parlamentare pak më pak se 15 muaj më parë SYRIZA fitoi 17,83 për qind të votave, ndërsa në zgjedhjet europiane të qershorit të këtij viti 14,92 për qind dhe në të dyja proceset zgjedhore ishte në vendin e dytë.