Sciarto: SHBA po përfiton nga recesioni në Evropë
Ministri hungarez i Punëve të Jashtme Peter Szijjártó vlerësoi sot se Shtetet e Bashkuara po përfitojnë nga recesioni në Evropë.
Kalimi i ekonomisë evropiane në recesion është një lajm i mirë për ekonominë amerikane dhe duket se Amerika mund të përfitojë prej tij, tha Sciarto.
Sipas tij, situata në Evropë është “e mjerueshme”, sepse “Komisioni Evropian po e pengon mjaft” fluksin e investimeve në vendet anëtare të BE-së.
Bashkimi Evropian po bën përpjekje patetike për të ngrirë investimet në vendet anëtare. Investimet janë mënyra e vetme për të shmangur një recesion mes luftës në Ukrainë dhe sanksioneve kundër Rusisë, tha Szijjártó.
Ai shtoi se Hungaria po i përdor investimet si një injeksion kryesor ekonomik pas pandemisë së koronavirusit dhe se investimet janë të nevojshme për të ruajtur rritjen ekonomike.
Kemi arritur rekorde në vitet e mëparshme, por mund të kishim marrë më shumë investime nëse Komisioni Evropian nuk do t'i kishte bllokuar ato, tha Sciarto.
Ai vuri në dukje se Komisioni Evropian po e bllokon Hungarinë që të marrë paratë që i detyrohen, madje po e pengon atë që të përdorë paratë e saj për të krijuar vende të reja pune.