Qindra punonjës të kompanisë së gazrave Coca-Cola në qytetet veriperëndimore të Gjermanisë, Dortmund dhe Lüneburg, dolën sot në grevë duke kërkuar një rritje mujore prej 400 eurosh, si dhe një pagë fillestare më të lartë për të punësuarit e rinj.

Greva të ngjashme ka pasur së fundmi edhe në pjesë të tjera të vendit. Në dhjetor, korporata amerikane u ofroi punëtorëve gjermanë një rritje page prej 100 euro dhe një bonus një herë prej 1.000 eurosh për të kompensuar ndikimin e inflacionit të lartë.

Negociatori i Unionit Gjerman të Punëtorëve të Ushqimit, Pijeve dhe Mikpritjes (NGG), Fredi Ayan më pas e përshkroi propozimin si një "shuplakë në fytyrë". Sipas tij, është e rëndësishme që pagat të rriten sipas inflacionit.

Negociatat pritet të vazhdojnë më 8 shkurt.