Steinmeier në një vizitë zyrtare në Maqedoni

Foto: EPA-EFE / OMER MESSINGER

Presidenti Stevo Pendarovski sot dhe nesër do të presë Presidentin e Republikës Federale të Gjermanisë, Frank-Walter Steinmeier, i cili do të jetë për vizitë zyrtare në Republikën e Maqedonisë së Veriut.

Presidenti Steinmeier do të pritet me nderimet më të larta shtetërore dhe ushtarake në një ceremoni zyrtare, e më pas do të ketë takim kokë më kokë të dy presidentëve dhe takim plenar i delegacioneve të Maqedonisë së Veriut dhe Gjermanisë.

Në kuadër të vizitës, në kishën “Sht. Spas” në Shkup, Shtajnmajer dhe Pendarovski do të vendosin kurora lulesh mbi varrin e Goce Dellçevit.

Parashikohet që Steinmeier të mbajë fjalim para Kuvendit, të takohet me të rinjtë në Qendrën Presidenciale për Edukim Politik, të bisedojë me grupin e xhirimit të filmit “Toka e mjaltit” dhe të vizitojë parkun e erës në Bogdanci.

Për pasdite në Qeveri është planifikuar takim i presidentit gjerman me kryeministrin Dimitar Kovaçevski.

Nesër, Steinmeier do të takohet me grupin e xhirimit të filmit “Honeyland” në Çifte Hamam. Pasdite do të vizitojë parkun e erës në Bogdanci, e më pas kompaninë gjermane Drexelmeyer në Kavadar.

Kjo është vizita e parë e presidentit federal Steinmeier në Republikën e Maqedonisë së Veriut.

Pas Maqedonisë së Veriut, Steinmeier niset për të vizituar Shqipërinë fqinje.

Video e ditës