Steinmeier erdhi në Kavadar me “Mercedesin” e blerë nga Gruevski dhe Jankuloska.
Presidenti gjerman Frank-Walter Steinmeier pasdite ka mbërritur për vizitë në Kavadar me një veturë qeveritare – “Mercedesin” luksoz me vlerë 600.000 mijë euro, i cili është blerë në kohën e ish-kryeministrit. Nikolla Gruevski dhe ish-ministri i Punëve të Brendshme Gordana Jankuloskashkruan "fokus".
Edhe Gruevski (në mungesë) edhe Jankulloska në rastin “Tanku” u dënuan për blerjen e “Mercedesit”, përkatësisht për marrjen e shpërblimit dhe ndikimin e kundërligjshëm. Dhe shefi i atëhershëm i prokurimeve publike në Ministrinë e Brendshme, Gjoko Popovski, për rastin është dënuar me burg për shpërdorim të detyrës dhe autoritetit zyrtar.
Kryetari i Komunës së Kavadarit, Mitko Jancev, konfirmoi për “Focus” se bëhet fjalë për veturën luksoze të diskutueshme, të blinduar.
Rreth pesë vite më parë, ish-kryeministri Zoran Zaev njoftoi publikisht se “Mercedes” do të shitet dhe me paratë do të blihen autoambulanca. Më pas makina është ruajtur për shkak se ka qenë provë materiale në rastin “Tanku”, kështu që shitja është shtyrë.
Sipas asaj që mund të shihet sot në Kavadar, Qeveria me sa duket ka hequr dorë nga planet për shitjen e veturës luksoze dhe do ta përdorë për nevojat e veta.