Bota duhet të dëgjojë zërin e Kinës për të gjetur një rrugëdalje nga lufta në Ukrainë, tha sot kryeministri spanjoll. Pedro Sanchez, përpara vizitës së tij shtetërore në Pekin javën e ardhshme.

"Kina është një aktor global, kështu që padyshim që ne duhet të dëgjojmë zërin e saj për të parë nëse mund t'i japim fund kësaj lufte dhe se Ukraina mund të rifitojë integritetin e saj territorial," tha Sanchez pas takimit të Këshillit Evropian.

Sanchez është planifikuar të vizitojë Pekinin më 31 mars për të folur me presidentin kinez Xi Jinping.

Përndryshe, Shtetet e Bashkuara janë kundër propozimit të Kinës për një armëpushim të menjëhershëm midis Rusisë dhe Ukrainës, sepse ai do të çimentojë pozicionin e përfitimeve ushtarake të Rusisë, tha Shtëpia e Bardhë. Megjithatë, Shtetet e Bashkuara shpresojnë në një rol konstruktiv të Kinës për të ndihmuar në përfundimin e luftë në Ukrainë.

Thirrja e armëpushimit është pjesë e propozimit të paqes të Xi Jinping.

SHBA është kundër planit të paqes të Kinës për Ukrainën: "Do të njihte përfitimet e Rusisë"