Ministria e Financave e Spanjës po shqyrton propozimet për rritjen e pagave me 3,5 për qind për nëpunësit publikë, si dhe për uljen e javës së punës në 35 orë, raportojnë mediat spanjolle.

Sekretari i përgjithshëm i komisioneve të punës, Unai Sordo, në një intervistë për televizionin “24 Chasa”, nuk ka dashur të spekulojë me shifra, por ka shprehur qartë qëndrimin e sindikatës së tij se pret një marrëveshje për rritjen e pagave.

Sipas gazetës “El Pais”, krahas rritjes së pagave, Ministria e drejtuar nga Maria Jesus Montero synon të ofrojë mundësinë e reduktimit të javës së punës së nëpunësve publikë në 35 orë.

Ministria e Financave nuk ka dashur të konfirmojë shifrat që do të ofrojnë për shkak se negociatat janë të hapura.

Mijëra punonjës të administratës publike dolën në rrugët e Madridit më 24 shtator, duke kërkuar nga qeveria spanjolle një rritje "të drejtë" të pagave dhe masa "efektive" ekonomike për të ndihmuar në luftimin e rritjes së çmimeve.