Spanja hap stadiumet, La Liga do të luhet para tribunave të plota nga fundjava e ardhshme
Ndeshjet e futbollit në Spanjë nga e Premtja duhet të luhen para tribunave të plota, njoftoi Ministria Spanjolle e Shëndetësisë.
Një takim i Ministrisë u mbajt sot me 17 krahina autonome në të cilat u pajtua njëzëri për të zgjeruar kapacitetin nga 60 përqindëshi aktual.
Spanja mbylli plotësisht stadiumet dhe sallat në Mars 2020 për shkak të pandemisë koronavirus, e cila në vendin me 47 milionë njerëz, rreth pesë milionë u infektuan dhe rreth 86.000 njerëz vdiqën.
Në fillim të këtij viti, qeveria lejoi një numër të kufizuar spektatorësh në tribuna, por iu desh të mbante maska mbrojtëse dhe të mbante distancë mes tyre.
Ministria spanjolle e Shëndetësisë njoftoi sot se 76.9 përqind e qytetarëve janë vaksinuar, gjë që ka çuar në një lehtësim të masave.
Në sallat ku luhen ndeshjet e hendbollit dhe basketbollit, prania e tifozëve u lejua deri në 40 përqind të kapacitetit të sallave, ndërsa nga e Premtja ajo përqindje do të rritet në 80 përqind.
La Liga me ekipe si Real Madrid, Barcelona dhe Atletico Madrid është një nga më të shikuarit në botë, dhe klubet janë ankuar për një rënie të madhe të të ardhurave për shkak të mbylljes së stadiumeve dhe është e sigurt se masa e fundit e qeverisë spanjolle do të jetë me përfitim të madh për ta.