Scholz mbështet vaksinimin e detyrueshëm në luftën kundër Covid-19
Kancelari i ardhshëm gjerman Olaf Scholz tha sot se ai mbështet vaksinimin e detyrueshëm kundër Covid-19 për të ndaluar kërcimin e infeksioneve në vend. transmeton Politico.
Scholz tha se sheh që në Bundestag ka një debat për këtë çështje mes të gjitha palëve, bën të ditur ambienti i kancelares së ardhshme, transmeton Beta.
Sipas atij burimi, Scholz në takimin e sotëm me kancelaren në largim Angela Merkel dhe krerët e 16 shteteve federale gjermane ka treguar se do të mbështesë rregullore të tilla. Sipas mediave gjermane, po mendohet mbyllja e lokaleve dhe klubeve.
Gjermania deri më tani ka hedhur poshtë opsionin radikal të vaksinimit të detyrueshëm, të zgjedhur nga Austria fqinje.
Së fundmi në Gjermani është vendosur që të vendoset vaksinimi i detyrueshëm për personelin në shtëpitë e të moshuarve, por edhe për pjesëtarët e ushtrisë dhe kjo duhet të hyjë në fuqi së shpejti.
Në Gjermani, deri më tani janë vaksinuar plotësisht rreth 57 milionë njerëz ose 68,5 për qind e popullsisë.
Vaksinimi i detyrueshëm, të cilin shumica e gjermanëve e kanë refuzuar prej kohësh, tani kërkohet nga dy të tretat e tyre, ose 64 për qind, sipas një sondazhi të fundit nga RTL dhe NTV.