Presidenti i së majtës, Dimitar Apasiev, pasditen e sotme përmes një postimi të shkurtër në rrjetet sociale bëri thirrje për protestën e nesërme, të cilën paraprakisht e kishte paralajmëruar lideri i VMRO-DPMNE-së, Hristijan Mickoski.

“Nesër do të ndodhë me ju Njerëz
#protestoj
#NovoSonceNaSlobodata”, ka shkruar Apasiev

Pak më vonë në Facebook është publikuar edhe një njoftim për manifestimin e protestës para Qeverisë e quajtur “Protesta kombëtare kundër bullgarizimit”.

“I ashtuquajturi propozim francez është një tjetër përpjekje e qeverisë për të zbutur zemërimin e popullit kundër bullgarizimit të zbatuar me miratimin e BE-së!
Nuk ka asnjë propozim të ri francez, siç konfirmoi ambasadori francez nga Bullgaria. Kërkesat kryesore negative nga Bullgaria mbeten, ndërsa gjuha maqedonase nga Sofja do të interpretohet si dialekt i gjuhës bullgare!”, thuhet në njoftim.

“Ne jemi të alarmuar nga rreziku i deklaratës së ministrit Bujar Osmani, i cili konfirmoi se kjo projekt-kornizë mund të nënshkruhet sapo të miratohet nga Qeveria, e cila do ta anashkalojë plotësisht Kuvendin e Maqedonisë! Apelojmë në vigjilencën e popullit maqedonas dhe gatishmërinë për të rezistuar ndaj tentativave të fundit për shkatërrimin e shtetit maqedonas nga SDS dhe BDI! Kërkojmë refuzimin e propozimit francez dhe ndërprerjen e negociatave me Bullgarinë! Çdo integrim në BE nuk mund dhe nuk duhet të jetë me koston e shtetësisë maqedonase! JO NË BE ME ASNJË KOST!”, shtoi më tej njoftimi , postuar në faqen Boykot në Facebook.