45-vjeçarja Suad Bayram nga Shkupi, babai i akuzuar për vrasjen mizore të foshnjës së tij tre muajshe, dënohet me 20 vjet burg, njoftoi "MKD.mk".

Gjykata Themelore Penale e Shkupit sot e ka shpallur Bajramin fajtor për vrasje nga dhuna në familje. Ai ka pranuar se ka kryer vrasjen dhe para gjyqtarëve ka shprehur keqardhje dhe pendim për atë që kishte bërë. Por pas përfundimit të gjyqit, ai u ankua se ishin shumë vite burg dhe tha se priste një dënim më të vogël sepse, tha ai, "nuk kishte njeri tani që të kujdesej për tre fëmijët e tjerë të mitur".

Foshnja ka ndërruar jetë për shkak të plagëve dhe gjakderdhjes në tru nga goditjet e babait, ndërsa vrasja ka ndodhur para syve të fëmijëve të tjerë të mitur.

“Njëzet vjet burg është një dënim shumë i lartë. Tani jam 45 vjeç dhe sa do të qëndroj në burg? Kam edhe tre fëmijë të tjerë të mitur dhe nuk ka kush të kujdeset për ta. Mendova se do të merrja një dënim më të vogël”, është ankuar i pandehuri te avokati.

Natën mes 25 dhe 26 shtatorit, teksa Bajrami ndodhej në shtëpi me katër fëmijë të mitur, mes tyre edhe djalin tre muajsh, ai filloi ta godiste fëmijën me duar dhe këmbë në kokë dhe në trup, duke i shkaktuar lëndime të shumta që i shkaktuan gjakderdhje në zgavrën e kafkës, për pasojë ka ndërruar jetë foshnja tre muajshe.

Aktgjykimi i shkallës së parë nuk është i formës së prerë dhe shuma e dënimit mund të ankimohet.