Një person është mbytur në autokampin As afër Strugës

Foto: ilustrim/Google Maps

Një person i mbytur sot pasdite është gjetur pa shenja jete në ujërat e Liqenit të Ohrit në afërsi të autokampit “As” afër Strugës, njofton MIA.

Lajmin e ka konfirmuar zëdhënësi i SVR të Ohrit Stefan Dimoski, duke treguar se bëhej fjalë për një burrë 66-vjeçar dhe kufoma është pikasur nga notarët në plazh.

Sipas informacioneve fillestare, në trupin e të ndjerit nuk ka pasur shenja dhune. Është thirrur ekipi i Emergjencës së Strugës, ndërsa mjekët vetëm kanë konstatuar vdekjen.

Një ekip policor ka inspektuar vendin në prani të prokurorit publik dhe ekipit mjekësor.

Video e ditës