Zjarri u përhap në depon e naftës në Kubë

Zjarr në Kubë
Foto: EPA-EFE / Ernesto Mastrascusa

Zjarri i shkaktuar nga një goditje rrufeje në një depo nafte në qytetin kuban të Matanzas është përhapur, pasi tanku i tretë mori flakë ditën e sotme. Kjo ndodhi pavarësisht përpjekjeve të mëparshme të zjarrfikësve për të ftohur rezervuarin.

Të paktën një person vdiq, 122 u plagosën dhe mbi një duzinë zjarrfikës janë të zhdukur.

Rrufeja goditi një nga tetë tanket të premten në mbrëmje, duke shkaktuar një zjarr. Zjarri përfshiu tankun e dytë të shtunën, duke shkaktuar disa shpërthime.

Zjarrfikësit spërkatën ujë mbi rezervuarët e mbetur gjatë fundjavës për t'i ftohur dhe për të ndaluar përhapjen e zjarrit.

Qeveritë e Meksikës dhe Venezuelës kanë dërguar ekipe speciale për të ndihmuar në shuarjen e zjarrit.

Zyrtarët lokalë paralajmëruan qytetarët që të mbajnë maskë për fytyrën ose të qëndrojnë brenda pasi tymi dilte nga kryeqyteti, Havana, më shumë se 100 kilometra larg.

Sipas ekspertëve, tymi përmban dioksid squfuri, oksid azoti, monoksid karboni dhe substanca të tjera helmuese. Zjarri u përhap në depon e naftës në Kubë

Video e ditës