Numri i nxënësve të shkollave fillore dhe të mesme në vend është në rënie
Sipas të dhënave të Entit Shtetëror të Statistikave, në vitin akademik 2022/2023 është vërejtur rënie e numrit të nxënësve në shkollat e rregullta fillore dhe të mesme në krahasim me vitin e kaluar akademik.
Numri i nxënësve në shkollat fillore është 185.099, që është një rënie prej 0,8 për qind. Në shkollat e mesme janë të regjistruar 69.227 nxënës, që paraqet një rënie prej 2,5 për qind krahasuar me vitin paraprak shkollor.
Vetëm në gjysmëvjetorin e parë diplomuan rreth 130 nxënës në shkollat e Prilepit dhe me prindërit e tyre shkuan jashtë vendit.
Në katër muajt e fundit 200 nxënës ose rreth shtatë paralele të tëra nga shkollat e mesme dhe fillore të Tetovës janë shpërngulur jashtë vendit.
Kurse Kumanova nuk është larguar nga trendi i emigrimit nga vendi, gjë që shihet edhe nga numri i studentëve të regjistruar. Në vitin shkollor 2020/2021 në shkollat e mesme të qytetit kanë qenë 4.508 nxënës, këtë vit ky numër është 4.126 nxënës. E njëjta situatë është edhe në shkollat fillore të Kumanovës. Vitin e kaluar shkollor janë regjistruar 1.208 nxënës, ndërsa në vitin 2022/2023 janë regjistruar 1.070 nxënës.
