Uashingtoni bëri thirrje që negociatat ndërmjet Maqedonisë së Veriut dhe BE-së të fillojnë sa më shpejt të jetë e mundur

Shtëpia e Bardhë / Foto: EPA-EFE / MICHAEL REYNOLDS

Qeveria e SHBA-së ka lëshuar një deklaratë në lidhje me pasigurinë për fillimin e negociatave ndërmjet Maqedonisë së Veriut dhe BE-së për anëtarësim në Union, pas samitit të dështuar BE-Ballkani Perëndimor në Bruksel.

Për Uashingtonin, besueshmëria e perspektivës së zgjerimit të BE-së është jetike për stabilitetin dhe prosperitetin e Ballkanit Perëndimor.

“Besojmë se besueshmëria e perspektivës së zgjerimit të BE-së është jetike për stabilitetin dhe prosperitetin e Ballkanit Perëndimor”, kanë thënë sot për MIA nga Departamenti Amerikan i Shtetit.

Shtetet e Bashkuara thonë se vazhdojnë të mbështesin fillimin e bisedimeve të pranimit në BE me Maqedoninë e Veriut dhe Shqipërinë sa më shpejt të jetë e mundur.

Në Samitin e Ballkanit Perëndimor-BE dje në Bruksel, kryeministri maqedonas Dimitar Kovaçevski hodhi poshtë të ashtuquajturin "propozim francezNë draft-versionin e të cilit për hapjen e negociatave, çështjet dypalëshe mes dy vendeve - Maqedonisë së Veriut dhe Bullgarisë, vendosen si kusht në procesin e negociatave për anëtarësimin e vendit tonë në Bashkim.

Video e ditës