LSDM: VMRO-DPMNE dhe e majta proruse duan të destabilizojnë vendin

Foto: EPA-EFE / GEORGI LICOVSKI

“Sonte qytetarët ishin dëshmitarë të incidenteve dhe dhunës së re në protestat e organizuara nga VMRO-DPMNE dhe instalacioni prorus Rusia para Kuvendit”, ka reaguar sonte nga LSDM-ja në pushtet.

Sipas partisë, këto skena i ngjanin 27 prillit 2017.

Më poshtë komunikata e plotë e LSDM-së:

“Edhe një herë dëshmuam se si banditët me kapuç sulmuan policët, hodhën lëngje të ndezshme, gjuajtën me gurë pjesëtarët e policisë maqedonase dhe tentuan të hyjnë me forcë në Kuvend. Ne pamë skena të ngjashme në 27 prillin e zi dhe e dimë se çfarë do të thotë. Informacionet fillestare bëjnë të ditur se janë plagosur edhe disa pjesëtarë të policisë. LSDM e dënon ashpër dhunën, kjo mënyrë e dhunshme e veprimit të VMRO-DPMNE-së dhe të majtës proruse tregon fytyrën e tyre të vërtetë destruktive dhe të dhunshme.

VMRO-DPMNE dhe e majta pro-ruse duan të destabilizojnë vendin, ta dëmtojnë atë dhe në këtë mënyrë të punojnë në qendrat e pushtetit që nuk mendojnë mirë për vendin tonë dhe popullin tonë dhe nuk duan që vendi të jetë pjesë e Bashkimit Evropian. LSDM-ja, institucionet bashkë me qytetarët nuk do të lejojmë që sjelljet dhe skenarët e dhunshëm të VMRO-DPMNE-së dhe Levicës të rrezikojnë shtetin. Le të mos përpiqen të përsërisin ndërhyrjen e 27 prillit. Këtë nuk do ta lejojmë”, ka thënë LSDM.

Video e ditës