Hipokrizia e Hristijan Mickoskit dhe VMRO-DPMNE-së nuk ka fund”, thuhet në komunikatën e LSDM-së.

Ky është njoftimi i plotë i partisë në pushtet:

“Pikërisht deputetët e VMRO-DPMNE-së me urdhër të Mickoskit kanë bllokuar një kredi nga Banka Botërore për një vit e gjysmë për të siguruar mjete për komunat.

Me mos caktimin e seancës, kryetari i atëhershëm i Komisionit për Financa dhe Buxhet Timço Mucunski dhe kryetari aktual i VMRO-DPMNE-së, i dëmtuan komunat e udhëhequra kryesisht nga kryetarët e LSDM-së.

Mickoski, i cili vazhdimisht flet kundër huamarrjes, sot kërkon që të dorëzohet dhe votohet në Kuvend kredia nga Banka Botërore për financimin e projekteve në komunat, të cilat tani më së shumti udhëhiqen nga kryetarët e VMRO-DPMNE-së.

Është hipokrizi e rëndë me të cilën Mickoski dëshiron të mbulojë mosfunksionimin dhe partizimin e komunave.

Që qytetarët të jenë të qetë, deputetët e mazhorancës qeverisëse do ta miratojnë ligjin për huamarrjen nga Banka Botërore, sepse është e rëndësishme të investohet në projekte kapitale, veçanërisht në kohën e krizës më të madhe ekonomike në botë.

Deri më tani në gjashtë muajt e parë të mandatit, kryetarët e VMRO-DPMNE-së nuk kanë bërë gjë tjetër veçse mburren me projektet e nisura nga ish-kryetarët e LSDM-së. Ata tani po kërkojnë të bëjnë foto me paratë e siguruara nga qeveria nga projekti i lidhjes së rrugëve lokale.

“Në fund të ditës mbetet destruktiviteti dhe hipokrizia e VMRO-DPMNE-së dhe Mickoskit, të cilët paturpësisht e bllokojnë punën e Kuvendit, kritikojnë punën e Qeverisë dhe më pas kërkojnë para prej saj”, thuhet në komunikatë.