LSDM: Integrim në BE apo izolim – nuk ka zgjidhje tjetër
“Shteti dhe të gjithë qytetarët kanë një mundësi historike për të vazhduar rrugën evropiane, për të realizuar një tjetër interes kombëtar strategjik. Ne duhet të përdorim mbështetjen e fortë nga BE dhe SHBA. Negociatat me BE-në janë duke vazhduar, procesi i skriningut është duke u zhvilluar me sukses në gjuhën maqedonase dhe së shpejti do të përfundojë”, thuhet në njoftimin e lëshuar mëngjesin e sotëm nga Lidhja Socialdemokrate në pushtet.
“Në Kuvendin e Maqedonisë duhet votë për Evropën që të mund të ecim përpara drejt anëtarësimit të plotë në BE. Tani na takon të gjithëve. Zgjedhja para çdo partie, para çdo deputeti është integrimi në BE ose izolimi”, tha partia.
Sipas LSDM-së, shteti nuk ka zgjidhje tjetër. Integrimi në BE sjell një standard më të mirë jetese, një të ardhme të sigurt, rritje ekonomike dhe zhvillim të përmirësuar në çdo fushë, ndërsa izolimi do të thotë një kthim në të kaluarën e errët të ndarjeve dhe pasigurisë, shtohet deklarata.