Standardin e qytetarëve e mbrojmë me masa dhe politika të përgjegjshme, thonë nga partia në pushtet LSDM.

Masat për uljen e çmimeve të produkteve ushqimore po japin rezultat, çmimet janë në rënie, gama e produkteve që mbulohen nga masat e ngrirjes së çmimeve po rritet. Buka e bardhë dhe gjysmë e bardhë, e cila tani shitet për 33 denarë, ishte e para në listën e ngrirjes së çmimeve. Çmimet e qumështit dhe produkteve të qumështit janë ulur për 10 për qind, kurse makaronat për 15 për qind.
Qeveria sot duhet të ngrijë çmimin e vezëve dhe të orizit sipas çmimeve që ishin në muajin mars, thekson LSDM.

Ata thanë se nuk do të lejojnë askënd të mbajë zi në kurrizin e qytetarëve në këtë krizë të rëndë.

Ata shtojnë se paga minimale është ngritur në 20.175 denarë, pensionet janë rritur për 8,4 për qind, ndërsa thonë se edhe paga mesatare është në rritje të vazhdueshme.