LSDM kërkon përgjigje: Arsovska nuk përgjigjet nëse është kryetarja që ka komunikuar me Gruevskin
Pasi ish-kryeministri Nikolla Gruevski, i cili është në arrati në Hungari, deklaroi se komunikon rregullisht me kryetarët e VMRO-DPMNE-së, LSDM pyeti nëse Gruevski kishte kontaktuar me kryetaren e Shkupit, Danela Arsovska.
- Danela Arsovska tërë ditën nuk përgjigjet nëse është kryetarja që ka komunikuar me Nikolla Gruevskin. Danela është njësoj si Hristijan Mickoski, hesht për Gruevskin. Vetë i dënuari krimineli i arratisur Nikolla Gruevski ka njoftuar se është në komunikim të rregullt me kryetarët e komunave nga radhët e VMRO-DPMNE-së, thuhet në komunikatën e Qendrës për Komunikim të LSDM-së.
Sipas partisë, “është e qartë se kjo parti ende kontrollohet nga Budapesti, është e qartë se edhe kryetarët e komunave i referohen Gruevskit”.
- VMRO-DPMNE është parti që nuk ndryshon, mos puna dhe shpenzimi i parave për punësime partiake nga kryetarët e VMRO-DPMNE-së është dëshmi se kjo parti nuk ka ndërmend të largohet nga matrica e regjimit, reagojnë nga LSDM.