Vajza katërvjeçare nga Serbia, e cila u rrëmbye nga babai i saj më 6 qershor, është kthyer te nëna e saj falë bashkëpunimit të mirë të Ambasadës së Arabisë Saudite në Bosnje dhe Hercegovinë dhe Ministrisë së Punëve të Jashtme të Serbisë.

Babai, shtetas i Arabisë Saudite, e ka rrëmbyer fëmijën nga qendra tregtare dhe e ka çuar në Bosnje-Hercegovinë. Mirëpo, kjo nuk është hera e parë dhe më parë ai tentoi ta çonte në Arabinë Saudite.

Gjegjësisht, nëna e vajzës para disa vitesh ka takuar një burrë saudit në Kinë, aty ka mbetur shtatzënë, por është kthyer në Serbi dhe ka lindur.

Ata ishin në kontakt për një kohë, ai donte të shihte fëmijën dhe e bindi që ta sillte në Arabinë Saudite për të parë se ku jetonte. Më pas ua ka marrë pasaportat dhe i ka rrëmbyer. Nëna doli me një plan - të vizitonte motrën e saj. Ata blenë burka, ajo dhe fëmija u veshën dhe arritën të arratiseshin, duke fluturuar nga Arabia Saudite në Emiratet, sepse ky ishte i vetmi vend ku mund të shkonin pa ndonjë kontroll rigoroz.

Megjithatë, në përpjekje për të hipur në një fluturim për në Serbi, fëmija u zbulua i veshur me burka. Më pas në aeroport ndodhi një dramë dhe ata duhej të telefononin konsullatën serbe.

Gruaja ia shpjegoi situatën dhe në njëfarë mënyre ata miratuan t'i jepnin një pasaportë për të dhe fëmijën (motra ishte e vetmja me pasaportë) dhe të vinte në Serbi. Ndërkohë, babai nisi një çështje gjyqësore, duke kërkuar kujdestarinë. Ai lejohej ta shihte fëmijën në orare të caktuara dhe në një vend publik. Kështu ishte dhe ata u takuan në TC Vozhdovac më 6 qershor.

Nëna shkoi për t'i blerë ujë fëmijës për një moment dhe ai e shfrytëzoi rastin për të rrëmbyer fëmijën dhe iku. Ai kaloi ilegalisht në Bosnje dhe Hercegovinë. Ai duhej të telefononte ambasadën për një pasaportë për fëmijën dhe më pas u përgjigj ambasadori i Arabisë Saudite.

Duke qenë i dyshimtë, ambasadori ndaloi babanë dhe fëmijën, ndërsa autoriteteve të Ministrisë së Brendshme u tha se vetëm nëna mund të vinte të merrte fëmijën. Edhe nëna e vajzës kishte frikë të hynte në ambasadën e Arabisë Saudite sepse ndaj saj ka një rast (babai i fëmijës ka raportuar kur ajo është larguar nga vendi).

Kështu, me ftesë të ambasadorit, nëna dhe dy persona nga Ministria e Arsimit dhe Kulturës u larguan sonte. Interpoli dhe policia e BiH u informuan për të gjithë rastin. Konsulli serb dhe ambasadori saudit kanë arritur ta bindin babanë që ta dorëzojë fëmijën në mënyrë paqësore, raportojnë mediat serbe.