Sanchez: Ballkani Perëndimor është pjesë integrale e BE-së
Ballkani Perëndimor është pjesë integrale e Bashkimit Evropian dhe Spanja mbështet plotësisht integrimin e këtij rajoni në BE, tha kryeministri spanjoll Pedro Sanchez në Tiranë.
Sánchez është kryeministri i parë spanjoll që viziton Shqipërinë. Para Tiranës, Sanchez vizitoi Serbinë, Bosnje dhe Hercegovinën, Malin e Zi dhe Maqedoninë e Veriut.
- BE-ja nuk mund të imagjinohet pa Ballkanin. Integrimi i atij rajoni do të forcojë BE-në, tha Sanchez në konferencën për shtyp me kryeministrin shqiptar Edi Rama.
Mirëpo, siç raporton RTK, ai ka theksuar se shteti i tij nuk e njeh pavarësinë e Kosovës, sepse sipas tij, me shpalljen e pavarësisë Kosova ka shkelur të drejtën ndërkombëtare.
“Me gjithë respektin që kemi për popullin shqiptar, ne nuk mund ta pranojmë këtë”, tha Sanchez.
Spanja është një nga pesë vendet e BE-së dhe katër vendet e NATO-s që nuk e njohin pavarësinë e Kosovës, të shpallur në vitin 2008.
Mosnjohja është pengesa kryesore për integrimin e Kosovës në BE dhe NATO, ku vendimet për zgjerim merren me konsensus të të gjithë anëtarëve.