Në radhë për ngrirje janë sallamet
Ndonëse një pjesë e mirë e prodhuesve tashmë kanë ulur çmimet e ushqimeve, ministri i Ekonomisë tha se ato janë produktet e radhës që do të analizohen.
- Dua të përgëzoj disa nga kompanitë vendase që filluan të ulin çmimet edhe para muajit mars. Çmimet e produkteve të mishit të importuara do të jenë një nga masat e radhës që do të analizohet nga Ministria e Ekonomisë – tha Bekteshi.
Kërkesës së përpunuesve të mishit iu përgjigj qeveria dhe ata u mbuluan nga masa e subvencionuar e energjisë elektrike prej 80 euro për megavat orë. Këto kompani vazhdimisht tregojnë se foragjeret e tyre janë bërë më të shtrenjta për 70 për qind, si dhe shënojnë rritje ekstreme të kostove të transportit.
Pas heqjes së importit pa taksa të mishit për përpunim, kjo industri me detyrimet doganore në fuqi është vënë në pozitë të pabarabartë me prodhuesit e huaj, në radhë të parë me ata të fqinjësisë, por edhe nga BE-ja. Produktet e gatshme nga jashtë hyjnë në vend me doganë 0 për qind, ndërsa përpunuesit vendas paguajnë doganë prej 20 deri në 35 për qind kur importojnë lëndë të parë.