Agjencitë e inteligjencës amerikane besojnë se një pjesë e qeverisë ukrainase miratoi vrasjen e Darya Dugina, vajzës së një nacionalisti të shquar rus, duke shpërthyer eksploziv në makinën e saj pranë Moskës, raportoi "New York Timess”, duke iu referuar zyrtarëve të paidentifikuar.

Shtetet e Bashkuara nuk morën pjesë në vrasjen e Duginës dhe nuk ishin të njohura me planin, raportoi "New York Times". Zyrtarët amerikanë kanë kritikuar autoritetet ukrainase për atentatin, pretendon gazeta.

Ukraina mohoi përfshirjen në vrasje, ndërsa FSB e Rusisë fajësoi shërbimet ukrainase për atentatin.

Këshilltari i presidentit ukrainas Mykhailo Podolyak përsëriti për "New York Times" se Kievi nuk është përgjegjës për atentatin.

Darya Dugina ishte vajza e ideologut të Kremlinit Alexander Dugin. Mediat ruse raportuan se ajo mbështeti idetë e babait të saj dhe u shfaq në media ku foli pozitivisht për pushtimin rus të Ukrainës.

Dugina u vra në gusht në një sulm me makinë bombë pranë Moskës.