Qendrat Amerikane për Kontrollin dhe Parandalimin e Sëmundjeve (CDC) lehtësuan masat për Covid-19, duke hequr rekomandimin për qytetarët amerikanë që të izolohen nëse bien në kontakt të ngushtë me një person të infektuar.

Agjencia amerikane e shëndetësisë njoftoi gjithashtu se mbajtja e një distancë prej të paktën dy metrash nga të tjerët nuk është më e detyrueshme.

CDC shpjegoi se ndryshimet janë për faktin se më shumë se 2,5 vjet që nga fillimi i pandemisë, pothuajse e gjithë popullata amerikane ka fituar njëfarë niveli imuniteti. Janë mbajtur disa masa dhe inkurajohet gjithashtu testimi i personave me simptoma dhe kontaktet e tyre të ngushta.

Ndërsa personat që do të kenë një test pozitiv duhet të qëndrojnë në shtëpi për të paktën pesë ditë dhe të mbajnë maskë gjithsej 10 ditë kur janë në kontakt me persona të tjerë.