Rusia po merr materiale nga Irani për të ndërtuar një fabrikë dronësh në territorin e saj që “mund të jetë plotësisht funksionale në fillim të vitit të ardhshëm”. Kështu deklaroi sot zëdhënësi i Shtëpisë së Bardhë për sigurinë kombëtare John Kirby.

Shtëpia e Bardhë publikoi një imazh satelitor të vendndodhjes së mundshme të planit.

Vendndodhja e supozuar e uzinës së ardhshme është në zonën e posaçme ekonomike Alabuga, rreth 900 kilometra në lindje të Moskës, pretendojnë amerikanët.