Ushtria amerikane ka kryer sulme të shumta ajrore në Siri duke synuar grupet militante të mbështetura nga Irani, përgjegjëse për një sulm të mëparshëm me dron që vrau një dhe plagosi disa personel amerikan.

Pentagoni njoftoi dje për sulmin ndaj personelit amerikan dhe për sulmet ajrore amerikane kundër militantëve.

Sulmi në bazën e forcave të koalicionit pranë Hasakës në verilindje të Sirisë ndodhi rreth orës 13:38 me orën lokale, dhe sipas raportit të Pentagonit, një anëtar i stafit teknik amerikan u vra, një tjetër u plagos, si dhe pesë ushtarë amerikanë. .

Sipas inteligjencës, dyshohet se sulmi është kryer nga një dron me origjinë iraniane, tha ushtria amerikane, gjë që mund të përkeqësojë më tej marrëdhëniet tashmë të acaruara midis Uashingtonit dhe Teheranit.

Sekretari amerikan i Mbrojtjes Lloyd Austin vuri në dukje se sulmet hakmarrëse u kryen me urdhër të Presidentit Joe Biden kundër objektivave të përdorura nga grupet militante të lidhura me Korpusin e Gardës Revolucionare Islamike të Iranit.

“Sulmet ajrore u kryen në përgjigje të sulmit të sotëm, si dhe një seri sulmesh të fundit ndaj forcave të koalicionit në Siri nga grupet e lidhura me IRGC-në”, tha Austin.

Trupat amerikane janë sulmuar 78 herë nga grupet e mbështetura nga Irani që nga fillimi i vitit.

Gjenerali Eric Kurilla, komandanti i Komandës Qendrore të SHBA-së në Lindjen e Mesme, në një fjalim para Komitetit të Shërbimeve të Armatosura të Dhomës së Përfaqësuesve të SHBA dje, paralajmëroi për një flotë dronësh iranianë.