Rusia dhe Irani ndajnë përgjegjësinë për krimet e kryera nga regjimi i Bashar al-Asad kundër popullit sirian, tha sot Sekretari i Përgjithshëm i NATO-s Mark Rutte.

- Moska dhe Teherani ishin mbështetësit kryesorë të Asadit. Ata u treguan se ishin partnerë të paqëndrueshëm, duke braktisur Assadin kur ai nuk ishte më i dobishëm për ta, tha Rutte.

Ai e përshkroi rënien e ish-udhëheqësit sirian, i cili u rrëzua nga rebelët islamikë, si "një moment gëzimi, por edhe pasigurie për popullin sirian dhe rajonin".

“NATO dëshiron një transferim paqësor të pushtetit dhe një proces politik gjithëpërfshirës të udhëhequr nga Siria”, tha Rute. Ai shtoi se aleanca ushtarake perëndimore do të "monitorojë nga afër" sjelljen e udhëheqësve rebelë gjatë tranzicionit.

"Ata duhet të mbështesin sundimin e ligjit, të mbrojnë civilët dhe të respektojnë pakicat fetare," theksoi ai.