Kryetarja e Prokurorisë Publike, Vilma Ruskovska, konsideron se janë të pajustifikuara sulmet e opozitës se prokuroria nuk vepron për rastet e korrupsionit.

- Ky është marketing politik i opozitës. Ka krim, ka korrupsion, të jemi të qartë, por edhe të jemi pak realist. Nuk kishte ndodhur më parë që të kishte aktakuzë për kryetarin e Kuvendit. Të akuzohen bashkëpunëtorë të kryeministrit. Publiku duhet të ndihmojë, të raportojë nëse dikush i zhvat para, për çdo gjë që është korruptive. Prokurori publik në këto tri vite ka treguar se kushdo që është fajtor, për të cilin do të mbledhim prova, do të mbajë përgjegjësi, është e vendosur prokurorja Ruskovska.

Sipas saj, të dhënat tregojnë se Prokuroria Publike është duke punuar mirë.

-Sipas Raportit Vjetor për vitin 2020, i cili ishte vit me pandemi, karantina dhe më pak raste për punë dhe kur autoritetet punonin me gjysmën e kapacitetit, u dënuan 250 persona, ndryshe nga viti 2019 kur u dënuan rreth 80 persona. Kemi shumë tema që publiku nuk i di dhe nuk i intereson. “Kur përfundon një çështje kemi lehtësim”, tha prokurori.

Ajo beson se personalisht nuk mund të veprojë për një vlerësim më të lartë të institucionit që drejton.

- Nuk mund të rris vlerësimin e gjithë prokurorisë, vetëm kaq mundem. Rejtingun e përmirëson vetëm ndjekja penale, pa marrë parasysh se kush është nga cila parti, por edhe nëse ka kryer vepër penale dhe a mund ta dëshmojmë”, tha Ruskovska.