Ambasadori i Rusisë në Sofje po i kërkon Moskës të mbyllë ambasadën e saj në Bullgari
Ambasadorja e Rusisë në Bullgari, Eleonora Mitrofanova, përmes profilit të ambasadës në Facebook, ka njoftuar se do t'u propozojë autoriteteve ruse mbylljen e ambasadës së saj në atë vend, njofton korrespondenti i MIA-s nga Sofja.
Ultimatumi i Mitrofanovës skadon në orën 12, a do të qëndrojnë diplomatët rusë në Bullgari
Sipas Mitrofanova, mbyllja e ambasadës ruse në Bullgari do të çojë në mënyrë të pashmangshme në mbylljen e ambasadës bullgare në Moskë.
Sipas Mitrofanovës, përgjegjësinë për pasojat e mëtejshme të rënda të këtij hapi e ka tërësisht Qeveria e kryeministrit bullgar të dorëhequr Kiril Petkov.
Korrespondenti i MPB-së nga Sofja kujton se Mitrofanova i ka vendosur ultimatum MPJ-së bullgare që ta anulojë notën me të cilën 70 diplomatë rusë shpallen persona non grata ose do t'i propozojë Ministrisë së Punëve të Jashtme ruse mbylljen e ambasadës ruse në Bullgari. Ajo sot ka vizituar Ministrinë e Punëve të Jashtme të Bullgarisë për t'u njohur me vendimin e autoriteteve në Sofje.
Kryeministri bullgar i dorëhequr Kiril Petkov tha se ambasadorët e huaj nuk mund të lëshojnë ultimatume.