Rusët blenë një sasi rekord shufrash ari vitin e kaluar. Uljet e taksave për metalet e çmuara i inkurajuan njerëzit të grumbullojnë rezerva, tha në një deklaratë sot Ministria ruse e Financave.

Në mars të vitit të kaluar, Moska hoqi tatimin mbi vlerën e shtuar për tregtinë e arit për individët në një përpjekje për të parandaluar qytetarët të kursejnë në dollarë amerikanë.

Individët që përfitojnë nga shitja e shufrave të arit përjashtohen nga tatimi mbi të ardhurat, gjë që ka rritur më tej kërkesën për këtë metal.

Sipas të dhënave të fundit, rusët blenë më shumë se 50 tonë shufra ari vitin e kaluar, që është dhjetë herë më shumë se më parë.

Më të kërkuarit janë shufrat e kilogramëve, të cilët përbëjnë 60 për qind të totalit të shitur.

Ministria e Financave thekson se të dhënat e publikuara nuk janë përfundimtare dhe mbulojnë periudhën deri në fund të muajit nëntor.