Rusia do të fillojë vendosjen e armëve bërthamore në Bjellorusi në korrik
Rusia do të fillojë vendosjen e armëve taktike bërthamore në Bjellorusi pasi objektet të jenë gati më 7 dhe 8 korrik, njoftoi presidenti rus Vladimir Putin pas takimit të sotëm në Soçi me homologun e tij bjellorus Alexander Lukashenko.
"Pra, gjithçka është sipas planit, gjithçka është e qëndrueshme," tha Putin, sipas një transkripti të bisedës të lëshuar nga Kremlini. “Për çështjet më të ndjeshme për të cilat kemi rënë dakord, gjithçka po shkon sipas planit. Siç e dini, përgatitja e objekteve të përshtatshme përfundon më 7-8 korrik dhe ne do të fillojmë menjëherë aktivitetet në lidhje me vendosjen e llojeve të duhura të armëve në territorin tuaj”, i tha Putin Lukashenkos, transmeton Anatolia.
Të dy presidentët kanë miratuar tashmë një plan për të vendosur raketa bërthamore ruse me rreze të shkurtër veprimi në territorin e aleatit të ngushtë të Moskës. Armët në Bjellorusi do të mbeten nën komandën ruse.