Njësitë ruse të mbrojtjes ajrore zmbrapsën disa sulme nga dronët ukrainas mbi rajonet Belgorod dhe Kursk mbrëmë vonë, duke shkatërruar të paktën 11 dronë, tha Ministria ruse e Mbrojtjes.

Në disa postime të veçanta në aplikacionin Telegram, ministria njoftoi se shtatë drone u rrëzuan mbi Belgorod Oblast dhe katër mbi Oblast Kursk. Nuk ka informacione për dëme apo viktima të mundshme.

Rajonet Belgorod dhe Kursk kufizohen me Ukrainën dhe janë shënjestruar vazhdimisht nga sulmet me dron gjatë luftës që Rusia nisi kundër fqinjit të saj në shkurt 2022.

Ukraina rrallëherë ka marrë përgjegjësinë për sulmet në territorin rus ose në territorin e kontrolluar nga Rusia në Ukrainë, por muajt e fundit ka filluar të thotë se shkatërrimi i infrastrukturës ushtarake ruse po ndihmon kundërofensivën e Kievit.