Rusia njoftoi sot fitime të reja në Ukrainën lindore, duke thënë se inkursioni i saj në territorin rus nuk kishte arritur të pengonte Moskën nga nisja e një ofensive në rajonin e Donbass.

Sekretari i Këshillit të Sigurimit Sergei Shoigu tha se inkursioni ukrainas në rajonin Kursk të Rusisë, i cili filloi më 6 gusht, kishte për qëllim përmirësimin e pozicionit negociator të Kievit dhe frenimin e forcave ruse në Donbass.

“Kemi mjaft forca, po vazhdojmë ofensivën”, tha Shoigu.

Shoigu tha se forcat ruse po përshpejtonin ofensivën e tyre, duke kapur rreth 1.000 kilometra katrorë gjatë një periudhe tetë ditore në gusht dhe shtator.

Në javët e fundit, trupat ruse kanë avancuar përmes rajonit të Donetsk drejt Pokrovsk, qendra strategjike logjistike e Ukrainës.

Rusia tha të hënën se forcat e saj kishin kapur fshatin Memrik, rreth 24 kilometra në juglindje të Pokrovsk.

Presidenti ukrainas Volodymyr Zelensky tha se forcat e Kievit janë të vendosura në rajonin e Donetskut.