Vetëm gjatë gjysmës së parë të shtatorit, ushtria ruse përdori më shumë se 640 drone Shahed të prodhuar nga Irani në sulmet ndaj Ukrainës, nga të cilët mbrojtja ajrore ukrainase rrëzoi 53 mbrëmë, tha sot presidenti ukrainas Volodymyr Zelensky.

- Vetëm në gjysmën e parë të shtatorit, terroristët rusë përdorën më shumë se 640 drone Shahed kundër qyteteve dhe fshatrave të Ukrainës. Për fat të mirë, shumica e tyre u qëlluan nga ushtarët tanë. Ne po punojmë vazhdimisht për ta bërë mbrojtjen ajrore të Ukrainës më efektive. Ne po forcojmë forcat tona ajrore, brigadat mobile të zjarrit, të gjitha njësitë e mbrojtjes ajrore, tha Zelensky, përcjellë Ukrinform.

Ai theksoi se ushtria ruse ka lëshuar 56 dronë gjatë natës, nga të cilët mbrojtja ajrore e Ukrainës nuk ka rrëzuar vetëm tre.

Gjatë natës, ushtria ruse kreu një seri sulmesh në Kiev dhe rajonin e Kievit, që ishte sulmi i tetë në Kiev në shtator.

Dronët sulmues rusë po lëviznin drejt Kievit nga drejtime të ndryshme dhe në disa grupe, tha kreu i administratës ushtarake të Kievit, Sergey Popko, dhe shtoi se sipas informacioneve paraprake, nuk ka pasur viktima apo dëme materiale në sulmin në Kiev.