Rusia paralajmëron: Arktiku mund të bëhet fushë beteje pasi Finlanda dhe Suedia të vendosin për anëtarësimin në NATO

Suedia dhe Finlanda aplikojnë për anëtarësim në NATO / Foto EPN / Newscom / Profimedia

Ministria e Jashtme e Rusisë thotë se vendimi i Finlandës dhe Suedisë për t'u bashkuar me NATO-n mund ta kthejë rajonin e Arktikut në një fushë beteje ndërkombëtare.

Diplomati rus Nikolai Korchunov tha se Suedia dhe Finlanda kishin qenë më parë përgjegjëse për sigurinë në Arktik, por theksoi se hyrja e tyre në NATO nuk do të kontribuonte aspak për paqen dhe sigurinë në rajonin e Arktikut.

- Ne shohim që aktiviteti ushtarak ndërkombëtar po rritet në Arktik. Ekziston një i ashtuquajtur ndërkombëtarizim i aktiviteteve ushtarake. Kjo është, natyrisht, një prirje shumë shqetësuese që po e kthen Arktikun në një arenë ndërkombëtare të operacioneve ushtarake. Kjo nuk mund të mos na shqetësojë, tha Korchunov.

Ai ndër të tjera theksoi se fakti që Suedia dhe Finlanda janë vende neutrale ka kontribuar për paqen dhe stabilitetin në rajonin e Arktikut.

- Politikat tradicionale të Finlandës dhe Suedisë, politikat e mos-angazhimit, kanë krijuar prej kohësh një bazë solide për paqen dhe stabilitetin në këtë pjesë të botës. Nuk ka gjasa që anëtarësimi i këtyre vendeve në NATO të kontribuojë në këtë qëllim, përfundoi diplomati rus.

Si e prishi Turqia momentin historik të NATO-s me Finlandën dhe Suedinë

Video e ditës