Rusia dëbon ambasadorin e Letonisë
Ministria e Punëve të Jashtme të Rusisë urdhëroi ambasadorin e Letonisë të largohej nga territori i Federatës Ruse brenda dy javësh, raportojnë mediat ruse.
Në njoftimin e Ministrisë së Punëve të Jashtme ruse thuhet se Letonia ka vendosur më parë të ulë nivelin e marrëdhënieve diplomatike me Rusinë.
Duke theksuar se Letonia e ka marrë këtë vendim për solidaritet me vendet e tjera baltike dhe se kjo arsye nuk pranohet nga Rusia, Moska tha sot se ky solidaritet nënkupton ndërmarrjen e hapave armiqësorë ndaj Rusisë, të drejtuara nga Shtetet e Bashkuara.
Në njoftim theksohet gjithashtu se e gjithë përgjegjësia për situatën aktuale i takon qeverisë letoneze.
“Ambasadores letoneze në Moskë, Maris Riekstins, i është kërkuar të largohet nga Rusia brenda dy javësh. Lëvizjet provokuese të autoriteteve letoneze për uljen e nivelit të marrëdhënieve diplomatike do të kenë pasoja”, thuhet në deklaratën e MPJ-së ruse.