Ronaldo mori ofertën më të çmendur: Trofe, lojëra në Champions League, male të bukura...

Cristiano Ronaldo do të jetë me shokët e tij të United në përgatitjet në Oslo të Norvegjisë/foto: EPA-EFE/PETER POWELL

Cristiano Ronaldo dëshiron të largohet nga Manchester United pas vetëm një viti dhe tashmë ka njoftuar drejtuesit që të pranojnë ofertën e parë të mirë.

Ronaldo nuk është i kënaqur me situatën në United, i cili sezonin e kaluar e përfundoi në vendin e gjashtë dhe nuk siguroi një vend në Champions League. Ai beson se skuadra nuk është mjaft e mirë për të luftuar për titullin në Premier League dhe për këtë arsye nuk dëshiron të humbasë kohë në “Old Trafford”.

Portugezi nuk ka asgjë kundër menaxherit të ri Eric ten Haag, të cilin e ka bërë të ditur se do të jetë me vonesë për përgatitjet për sezonin e ri, që nisin sot.

Si arsye për vonesën disaditore, Ronaldo ka përmendur arsyet familjare dhe kjo është pranuar nga drejtuesit e klubit.

Agjenti i tij Jorge Mendes tashmë është në kërkim të një klubi të ri për Ronaldon, mediat përmendën transferimin e portugezit te Chelsea, Napoli, Roma, Bayern Munich, Real Madrid...

Tashmë është shfaqur një emër i ri, Salzburgu që ka ofertën më të çmendur për Ronaldon. Skuadra austriake ka postuar një shaka në llogarinë e saj zyrtare në Twitter duke thënë se çfarë mund t'i ofrojë Ronaldos:

– Trofe, duke luajtur në Champions League, male të bukura, skuadra më e talentuar në Evropë – ka shkruar Salzburgu.

 

Video e ditës