Federata e Futbollit të Rumanisë ka njoftuar se do të bëjë ankesë në Gjykatën e Arbitrazhit Sportiv për vendimin e UEFA-s pas incidenteve të ndodhura në ndeshjen me Kosovën.

Ndeshja e cila u luajt më 15 nëntor nuk pa fund pasi ekipi mysafir nuk pranoi të vazhdonte lojën dhe u largua nga fusha dy minuta para përfundimit.

Në fund takimi u regjistrua me rezultat zyrtar 3:0 për futbollistët kosovarë.

“Nga federata e Rumanisë konsiderojnë se sanksionet e UEFA-s janë të pajustifikuara dhe mungojnë ndaj federatës së Kosovës. Kosova shkeli parimin më të rëndësishëm në futboll, që është ta luash ndeshjen në fushë. Ata nuk u sanksionuan. Në vend të kësaj kemi marrë gjoba që i konsiderojmë shumë të larta”, tha kreu i Federatës së Futbollit të Rumanisë, Razvan Burleani.