Rumania, e cila është anëtare e NATO-s, bën të ditur se ekziston mundësia e cenimit të hapësirës së saj ajrore gjatë sulmeve të natës të Rusisë, në infrastrukturën në rajonin e Danubit në Ukrainën fqinje.

Pasi u tërhoq në korrik nga një marrëveshje për eksportet ukrainase të drithërave nëpërmjet Detit të Zi, Rusia ka shtuar sulmet e saj në rrethet Odesa dhe Mykolaiv, ku infrastruktura kryesore e eksportit të grurit ndodhet në Ukrainën jugore.

Ministria rumune e Mbrojtjes tha se gjatë natës një grup dronësh u zbulua duke lëvizur drejt territorit ukrainas pranë kufirit me Rumaninë.

“Sistemi i vëzhgimit të radarit tregoi një ndërhyrje të mundshme të paautorizuar në hapësirën ajrore kombëtare, ku sinjali u zbulua në rrugën që të çon në qytetin e Galac në vetë kufirin”, thuhet në deklaratë.

Deri më tani nuk ka asnjë informacion se ka rënë diçka në territorin e Rumanisë.