Ne kemi një shans serioz për të bërë një përparim gjatë verës, tha ministri ukrainas i Mbrojtjes Oleksiy Reznikov në një intervistë për të përditshmen franceze "West-France".

- Ne duam të thyejmë vullnetin e rusëve për të fituar luftën, tha Reznikov, duke theksuar se qëllimi i kundërofensivës është që Ukraina të kthejë territoret e saj "në kufijtë e njohur ndërkombëtarisht të vitit 1991, përfshirë Krimenë".

Një kundërofensivë në shkallë të gjerë "do të çojë në një tërheqje të re të rusëve nga territoret tona", parashikoi ministri ukrainas.

“(Kompania ushtarake private ruse) Wagner përdori të burgosur dhe gjatë rrethimit tetë mujor të Bakhmutit, 60.000 njerëz u vranë dhe u plagosën”, tha Reznikov për gazetën franceze, pa specifikuar nëse ishin humbjet totale të dy kampeve apo jo.

Në intervistë, ministri ukrainas i Mbrojtjes thekson gjithashtu se Ukraina ka nevojë urgjente për armë nga aleatët e saj perëndimorë.

Reznikov shprehu gjithashtu shpresën se "deri në fund të vitit" Kievi do të marrë avionë luftarakë F-16 të prodhimit amerikan, me ndihmën e të cilëve forcat ukrainase do të jenë në gjendje të kundërshtojnë aviacionin rus.