Çmimet totale të ushqimeve në Shtetet e Bashkuara të Amerikës në korrik u rritën me 10,9 për qind krahasuar me të njëjtin muaj të vitit të kaluar.

Kjo është rritja më e madhe e ushqimit që nga viti 1979, sipas të dhënave të publikuara nga Departamenti i Punës. Disa produkte kryesore si drithërat dhe disa produkte të qumështit kanë shënuar rritje rekord nga viti në vit.

- Ndërsa norma e inflacionit bazë u ul në krahasim me muajin e kaluar, kryesisht për shkak të rënies së çmimeve të energjisë, rritjes së kostove të ushqimeve, rritjes së qirave vazhdojnë të rëndojnë konsumatorët, veçanërisht amerikanët me të ardhura të ulëta, raporton Bloomberg.

Në veçanti, çmimet e supave u rritën me 19,1 për qind, drithërat me 16,8 për qind, ushqimet për fëmijë me 15 dhe frutat dhe perimet e ngrira shënuan rritje prej 10,6 për qind. Gjithashtu, çmimi i vezëve në dyqanet amerikane u rrit me 38 për qind, niveli më i lartë që nga tetori 2007 dhe çmimet e qumështit u rritën me 14,9 për qind, niveli më i lartë që nga qershori 2004.