Në gjysmën e parë të vitit, Shqipëria regjistroi një shumë rekord të investimeve të huaja ose 749 milionë euro, që është 55 milionë më shumë krahasuar me të njëjtën periudhë të vitit të kaluar dhe 113 milionë euro më shumë krahasuar me vitin 2022, njoftoi Banka Qendrore e Shqipërisë.

Sipas të njëjtit burim, vetëm në tremujorin e dytë, investimet e huaja direkte janë vlerësuar në 395 milionë euro, me një rritje prej rreth katër për qind në vit. Më së shumti investuan Holanda, Italia dhe Turqia.

Në tremujorin e dytë të vitit 2024, flukset valutore hyrëse në formën e investimeve të huaja direkte janë përqendruar kryesisht në pasuri të paluajtshme në masën 25 për qind, në sektorin e ndërmjetësimit financiar, në naftë dhe në transport. Interesi për pronat e paluajtshme lidhet drejtpërdrejt me interesin e të huajve për të blerë prona dhe shtëpi, veçanërisht në bregdet, thekson Banka.

Banka Qendrore e Shqipërisë vlerëson se rritja e investimeve të huaja është faktori kryesor për forcimin e monedhës vendase, pasi ndikon drejtpërdrejt në rritjen e qarkullimit të monedhës europiane në ekonominë shqiptare.

Vlera e euros këtë vit pësoi një rënie rekord dhe tashmë këmbehet me 99 lekë.