Maqedonia e Veriut, Serbia, Shqipëria, Greqia dhe Bullgaria i kanë dërguar ngushëllime dhe mbështetje Turqisë, e cila u godit mëngjesin e sotëm nga tërmeti më i keq që vendi ka regjistruar në 80 vitet e fundit.

Kryeministri maqedonas Dimitar Kovaçevski në profilin e tij në Facebook ka shprehur ngushëllimet për popullin turk të prekur nga tërmeti i tmerrshëm.

Presidenti serb Aleksandar Vuçiq shprehu mbështetjen e tij për popullin turk dhe presidentin Erdogan në Twitter, duke shkruar se Serbia është e gatshme t'i dërgojë ndihma Turqisë.

I shpreh ngushëllimet e mia viktimave, popullit të Turqisë @RTerdogan, dhe të lënduarve u uroj shërim të shpejtë. Serbia është me ju në këto kohë të vështira, e gatshme për të ofruar të gjithë ndihmën e nevojshme.

- Александар Вучић (@predsednikrs) Shkurt 6, 2023

Bullgaria tha se do të dërgonte dy avionë shpëtimi në Turqi dhe ministria e mbrojtjes e vendit tha se ishte gati të dërgonte një ekip mjekësor në akademinë ushtarake të Turqisë.

Kryeministri grek Kyriakos Mitsotakis shprehu dhimbjen e tij të thellë në Twitter për qindra të vdekurit dhe shkatërrimet e mëdha të shkaktuara nga tërmeti i fortë.

I trishtuar thellësisht nga fatkeqësia shkatërruese e tërmetit në Turqi dhe Siri. Ngushëllimet tona të përzemërta shkojnë për familjet e viktimave dhe mendimet tona janë me të gjithë njerëzit e prekur. Greqia po mobilizon burimet e saj dhe do të ndihmojë menjëherë.

- Kryeministri GR (@PrimeministerGR) Shkurt 6, 2023

Presidenti i Shqipërisë Bajram Begaj gjithashtu ka shprehur ngushëllimet e tij për viktimat, duke i ofruar ndihmë Turqisë.

I trishtuar thellësisht nga tërmeti shkatërrues që goditi #Turkiye # Siria kete mengjes. Unë dhe shqiptarët qëndrojmë pranë njerëzve të prekur dhe familjeve të tyre, që humbën të dashurit e tyre në këtë tragjedi të tmerrshme, duke shprehur ngushëllimet, mendimet dhe lutjet tona të sinqerta.

— Bajram Begaj (@BajramBegajAL) Shkurt 6, 2023