Nënsekretari i Përgjithshëm i OKB-së për Çështjet Humanitare, Martin Griffiths, njoftoi se pothuajse tetë milionë njerëz janë larguar nga Ukraina që nga fillimi i luftës pothuajse një vit më parë, raportoi DPA.

“Afro tetë milionë njerëz janë larguar nga Ukraina për në vendet fqinje dhe 5,3 milionë të tjerë janë të zhvendosur brenda vendit”, tha Griffiths në Këshillin e Sigurimit të OKB-së.

Ai shtoi se 17,6 milionë njerëz, pra pothuajse 40 për qind e popullsisë së Ukrainës, kanë nevojë për ndihmë humanitare.

Griffiths tha se ai synonte të zbulonte planin e reagimit humanitar të këtij viti për Ukrainën, i cili kërkon rreth 3,9 miliardë dollarë, më vonë këtë muaj në Gjenevë. Ai njoftoi se nuk kishte asnjë tregues për një përfundim të afërt të luftës.

Sipas shifrave zyrtare të OKB-së, më shumë se 7.000 civilë janë vrarë që nga fillimi i pushtimit rus në Ukrainë.

"Numri aktual i vdekjeve është sigurisht më i lartë," tha Griffiths.

Sipas informacioneve të Agjencisë së OKB-së për Refugjatë, lufta shkaktoi valën më të madhe të refugjatëve që nga përfundimi i Luftës së Dytë Botërore, thekson PDSH.