Reali triumfoi në Superkupën e UEFA-s për herë të pestë, Benzema u bë golashënuesi i dytë në historinë e “mbretërve”

Karim Benzema kaloi legjendarin Raul në listën e golashënuesve më të mirë në historinë e Real Madrid/foto: EPA-EFE/Petteri Paalasmaa

Futbollistët e kampionit të Evropës, Real Madrid, triumfuan në Superkupën e UEFA-s, pasi mposhtën në Helsinki fituesin e Europa League, Eintracht Frankfurt, 2:0.

Trajneri Carlo Ancelotti doli në fushën e stadiumit kombëtar të Helsinkit me skuadrën identike që mundi Liverpoolin në finalen e Champions League, ndërsa Eintracht luajti pa një prej lojtarëve më të mirë, Filip Kostic, i cili u nis drejt Torinos për të nënshkruar kontratë me Juventusin.

Golat e Real Madridit u shënuan nga David Alaba në minutën e 37-të dhe Karim Benzema në minutën e 65-të.

Me golin e pjesës së dytë, Benzema bëri histori për “klubin mbretëror”, duke arritur në 324 gola me fanellën e Real Madridit, duke kaluar kështu legjendarin Raul në vendin e dytë të listës së golashënuesve më të mirë në histori. Në vend të parë është Cristiano Ronaldo i cili ka shënuar plot 126 gola nga Benzema në fanellën e Real Madridit.

Triumfi në Helsinki e futi në librin e rekordeve edhe trajnerin Carlo Ancelotti. Italiani triumfoi për herë të katërt në Superkupën e UEFA-s dhe la Pep Guardiolën në tre triumfe.

Video e ditës