Killian Mbape këtë verë më në fund mbërriti te Real Madrid, ndërsa dje në ndeshjen e Superkupës së Europës shënoi golin e parë në paraqitjen e tij debutuese.

Por transferimi i Mbappes nënkupton edhe kosto më të larta për tifozët e “Mbretërve” që vizitojnë rregullisht “Santiago Bernabeu”. Gjegjësisht, biletat për ndeshjen e parë në shtëpi në turin e dytë kundër Valladolidit janë më të larta për 70% krahasuar me sezonin e kaluar.

Bileta më e lirë tani është 95 euro, ndërsa sezonin e kaluar ishte 55. Më e shtrenjta tani shitet me çmimin 210 euro. Nëse çmime të tilla do të ndikojnë në pjesëmarrjen do të dihet më 25 gusht kur Reali do të luajë ndeshjen.

Gjithashtu duhet ditur se çmimet e biletave për ndeshjet e Real Madridit nuk janë fikse dhe variojnë në varësi të rivalit, ndaj mund të pritet që ndeshjet me Barcelonën apo Atléticon të jenë edhe më të shtrenjta.

Valladolidi sezonin e kaluar luajti në Ligën e Dytë spanjolle dhe këtë sezon rikthehet në shoqërinë e më të mirëve dhe i përket grupit të kundërshtarëve jotërheqës, por duhet pasur parasysh edhe se kjo është ndeshja e parë e Mbappes para publikut vendas.